နည်းပြဆရာ

တစ်ဘက်သားကို
နှိပ်စက်ဖို့ဆို ခင်ဗျားသိပ်ကိုသန်မာတယ်..
အဖိုးကြီး…
ကျွန်တော်တို့က အိပ်ရေးမ၀သေးဘူး
ခင်ဗျားက ၀ီစီသံပေးနေပြီ
တန်းစီနောက်ကျရင်လည်း
ဖက်ထိပ်ကပေးဦးမယ်…
မနက်ခင်းကိုလူးလဲထ
အိပ်ချင်မူးတူးနဲ့ ပါတ်ပြေးရမယ့်ကွင်းကို
ကဆုန်စိုင်းဆင်းလာရတယ်
တစ်နေ့တစ်နေ့ ဒီကွင်းကြီးပါတ်ပြေးရုံနဲ့
ဘယ်သူ ဆုဖလားလာပေးမလဲ…
ကျွန်တော်တို့က စီးကရက်လေးဖွာလိုက်
ပါတီပွဲလေးတက်လိုက်
ကျွန်တော်က တိုက်စစ်မှုးဗျလို့
ကောင်မလေးတွေကြားထဲ
အရသာခံပြောချင်နေတာ…
မှော်ဝင်တဲ့ကန်ချက်တွေနဲ့
သက္ကရ်ဇ်တွေထဲ ဂိုးသွင်းထားခဲ့ချင်တာ…
ကွင်းထဲမှာ ခင်ဗျားအော်ငေါက်နေတဲ့ကြားက
ဘယ်အချိန် လက်မထောင်ပြမလဲ
အဲဒါအရေးကြီးဆုံးပဲ…
နောက်ဆုံး အောင်ပွဲမှာ
ကျွန်တော်တို့ ခင်းဗျားဆီကိုပြေးချလာတယ်
အဖိုးကြီး ခင်ဗျားရဲ့ ရှားရှားပါးပါးအပြုံး
ကျုပ်တို့တစ်ဘ၀လုံးမှာ အရိုးသားဆုံးပဲ
နောက်တစ်နေ့မနက်
ခင်ဗျားရဲ့ ၀ီစီသံဟာ
ကျုပ်တို့ကို ပြန်ပေးဆွဲတုန်းပဲ…
ဒါပေမယ့် အဖိုးကြီး
ခင်ဗျားကို ကျွန်တော်တို့ မမုန်းတော့ဘူး…

မိုးလှိုင်ည

နာဂစ်အလွန် ၃၆၅

နာဂစ်တဲ့
အဖြစ်အပျက်အလွန်
၃၆၅ရက်ထဲ….

နှလုံးသားကိုဆွဲဖွင့်
ဇာတ်လမ်းတိုတစ်ပုဒ်လို
အမြန်ဆွဲရစ်ကြည့်တော့

မနှစ်က ဒီအချိန်
လေတိုက်နှုန်းကမိုင်တစ်ရာ့နှစ်ဆယ်
ဒီလှိုင်းကအမြင့်၁၂ပေနဲ့
ငါတို့ အားလုံးရဲ့
မြစ်ဝကျွန်းပေါ်စုံးစုံးမြုပ်ခဲ့ရတယ်

လူဦးရေသုံးသိန်း
မုန်းတိုင်းဒီရေထဲမှာ စတေးခဲ့ရတယ်
မြို့တွေရွာတွေ
အကုန်ပျက်လို့
နာဂစ်ဟာငါတို့ ဘ၀ထဲက
ကမ္ဘာစစ်….

အနာဂါတ်ဆိုတာ
ပင်လယ်ထဲပျောက်ကျသွားတဲ့
ပုလဲတစ်လုံး…

ကမ္ဘာအရပ်ရပ်က
မြန်မာလူငယ်တွေ
မြန်မာပြည်အနှံ့အပြားကလူငယ်တွေ

ဧရာတိုင်းထဲက ချောင်းမြောင်းတွေထဲ
ဝင်ရောက်လာခဲ့…
စက်လှေတွေပေါ်မှာပဲ ညအိပ်ညနေ
မုန်းတိုင်းထဲက ကျန်ရစ်သူတွေ
ဆက်လက်ရှင်သန်ဖို့…

အစားအစာ ရေသန့်
ဆေးဝါး အ၀တ်အထည်
တတ်နိုင်သလောက်ကူ
ကိုယ်ထိလက်ရောက်ဖေးမ…

နာမကျန်းဖြစ်သူတွေကိုကုသ
စိတ်ကျနေသူကိုအားပေး…
ဘယ်သူမှမပေးတဲ့တာဝန်ကို
အနစ်နာခံပေးဆပ်လို့

ကမ္ဘာကြီးထဲက ဆရာကြီးတွေက
အိုက်တင်ကြီတခမ်းတနားနဲ့
ဖိုက်စတားဟိုတယ်ကြီးတွေမှာ
ငြင်းခုံနေတုန်း…
နာဂစ်ကြောင့် လူငယ်တွေရောက်လာတယ်
အဲဒါ မြန်မာလူငယ်တွေပဲ
အမျိုးသားရေးမို့ အမျိုးသားချင်းဖေးမ
အဲဒီ့မျိုးဆက်ကို ငါဦးညွတ်ခဲ့ပါတယ်…

မြစ်ဝကျွန်းပေါ်ချောင်းကျဉ်းထဲက
ဆန်တင်ဖားကူးကို အတင်းဆင်းတွန်းနေတဲ့
လူငယ်တွေ…
ခြေသလုံးသားအထိ ဗွက်ထိနေတဲ့ကွင်းထဲ
အိမ်ဆောက်ပေးနေတဲ့ လူငယ်တွေ…

ကံဆိုးတဲ့ဇာတ်လမ်းတစ်ပုဒ်ထဲ
မေတ္တာတရားတွေလင်းလက်လို့
အခု ကမ္ဘာကြီးမေ့တော့မယ့်အချိန်
ငါတို့ နာဂစ်ကို မမေ့ခဲ့ဘူး…။
ငါတို့ကမ္ဘာစစ်ကို ငါတို့မမေ့ဘူး…။
ပင်လယ်ကခေါ်သွားတဲ့ရုပ်နာမ်နှစ်ပါးတွေအတွက်
ကောင်းမှုတွေပေးဝေဖို့
နာဂစ်ကြောင့် သင်ကိုယ်တိုင်လှုဒါန်းဖြစ်ခဲ့ရင်
ဒီကဗျာနဲ့ အမျှဝေပါ….။

မိုးလှိုင်ည

ကားမှတ်တိုင်နဲ့တူတဲ့ကောင်လေး

ကားမှတ်တိုင်တစ်ခုမှာ
ဘယ်ကိုမှသွားဖို့မရည်ရွယ်ဘဲထိုင်မိတုန်းက
ကျွန်တော်ကားမှတ်တိုင်လေး
ဖြစ်သွားခဲ့ဖူးတယ်…

ရည်ရွယ်ရာတစ်ခုစီကို
သွားဖို့လူတွေ ခဏထိုင်ဖို့
စောင့်ဆိုင်းဖို့
မိုးခိုဖို့
နေပူရှောင်ဖို့
လေလွင့်သူတွေ
တစ်ညတစ်လေလာအိပ်နေဖို့

ကျွန်တော်ဟာ
ဘတ်စ်ကားမှတ်တိုင်လေးတစ်ခုပါ…။

မိုးလှိုင်ည

နာကျင်ခဲ့ရတဲ့ နာရီလက်တံ

ဘ၀ဟာ
နာရီလက်တံထဲမှာပဲ
အကုသိုလ်တရားဟာလည်း
နာရီလက်တံထဲမှာပဲ
နာရီလက်တံထဲက သစ်တော်သီးတွေ
အခုတော့ရင့်မှည့်ကုန်ပြီ
နာရီလက်တံထဲက စိတ္တဇတွေ
အခုတော့ ရူးသွပ်သွားကြပြီး
နာရီလက်တံထဲက ဒွိဟဖြစ်မှုတွေ
အခုတော့ သေဒဏ်ကျခဲ့ပြီ
နာရီဟာ
နာရီလက်တံထဲမှာ ပျော်ဝင်လို့
ပင်လယ်ဟာ
နာရီလက်တံထဲမှာ ဘောင်ဘင်ခတ်လို့
နာရီလက်တံထဲမှာ
စစ်ပွဲတွေဖြစ်ပွားပြီး
နာရီလက်တံထဲမှာ
အပစ်အခတ်ရပ်စဲတယ်
နာရီလက်တံဟာ
သူကိုယ်သူ အကျဉ်းချလို့
နာရီလက်တံဟာ
သူကိုယ်သူလွတ်မြောက်ခွင့်ပေးလို့
နာရီလက်တံဟာ
ရွေးကောက်ပွဲဝင်ပြိုင်တယ်
နာရီလက်တံဟာ အယူဝါဒတွေကိုရုတ်သိမ်းတယ်
ဂရင်းနစ်စံတော်ချိန်ကို
အယုံအကြည်မရှိကြောင်းအဆိုတင်သွင်းချိန်မှာ
နာရီလက်တံဟာ နာကျင်လို့နေခဲ့တယ်….။

မိုးလှိုင်ည

နွေဦးကပွင့်ထွက်တော့မယ်

နွေဦးကပွင့်ထွက်တော့မယ်

မိုးပြေးလေးတစ်ပြိုက်နှစ်ပြိုက်မှာ
ပိတောက်တွေ
ကတိုက်ကရိုက်ထပွင့်သလိုမျိုး

အမြန်ယာဉ်တစ်စီးရဲ့
ဝန်ခံအားဘီးတွေပွင့်ထွက်သလိုမျိုး

မနက်မိုးလင်းတော့
ဘာလင်တံတိုင်းကြီးပြိုကျသလိုမျိုး
မနက်မိုးလင်းတော့
စီးပွာပျက်ကပ်ဆိုက်ပြီးနေပြီတဲ့

ပါဆယ်ဗုံးထဲမှာ
နွေဦးကိုထည့်ပြီးလက်ဆောင်ပေးသလို
နွေဦးကထထပွင့်တယ်…

ပရမ်းပတာလွင့်စင်ထွက်လာတဲ့
နွေဦးအစအနတွေက
ငါတို့ရင်ဘတ်ကို လာလာမှန်တယ်

တချို့ကနွေဦးကို
ဝါယာကြိုးတွေနဲ့ပူးချည်တယ်

တချို့က့ နွေဦးကို
ဖန်ကြိုးမျှင်ထဲထည့်ပြီး
ဒေတာဘေ့စ်တွေပြောင်းလဲပစ်တယ်

တချို့ကနွေဦးကို
ကွန်ဆာဗေးတစ်သမားဆိုပြီးကန့်ကွက်နေတယ်

တချို့ကနွေဦးကို
ပိုစ့်မော်ဒန်သမားဆိုပြီးရှုံ့ချနေတယ်

တစ်ခါတစ်လေတော့ နွေဦးလည်း
ရပ်တ်ပါလိုဝတ်ချင်ဝတ်မှာပေါ့…

တစ်ခါတစ်လေတော့ နွေဦးက
ပန့်ရောစ့်ဆိုချင်ဆိုမှာပေါ့…

အခုနွေဦးက
ငါတို့ဆီကိုပွင့်ထွက်လာပြီ…

နွေဦးက ကတိုက်ကရိုက်နဲ့
ခေါင်းလည်းမဖြီးခဲ့ရသေးဘူး
သူက အကြမ်းဖက်သမားတွေကိုလည်း
ကျောခိုင်းထားခဲ့ရတယ်တဲ့…
မုန်တိုင်းနဲ့ ငလျင်တွေကိုလည်း
ဖျောင်းဖျထားခဲ့ရတယ်…
အလုပ်လက်မဲ့ ပြဿနာကိုလည်း
သေချာမကိုင်တွယ်ရသေးဘူး….

သူအခု
ကော်ဖီသောက်နေတယ်
စီးကရက်ဖွာနေတယ်
ကဗျာရွတ်သံကိုနားစိုက်ထောင်နေတယ်
သူအခု ပွင့်ထွက်တော့မယ်…
နွေဦးဆိုတာက ခင်ဗျားကိုယ်တိုင်ပဲလေ… ။

မိုးလှိုင်ည

(သံလွင်အိပ်မက် အတွဲ(၃) အမှတ်(၂)

ရုပ်ရှင်

ခေတ်ကြီးကိုအနှေးပြကွက်ထဲ
ထည့်ခလောက်တော့
အရင်တုန်းကကြောက်စိတ်တွေ
အခုထိမပြေသေးဘူး...။
ဇာတ်သိမ်းခန်းမပါတဲ့ သမိုင်းမှာ
အမှန်တရားကဗီလိန်ဖြစ်နေတုန်း
ကိုယ့်ကိုယ်ကို မုန်းဖူးသလား...။
နွေရာသီကို မာတိကာစီဖို့
ငါတို့တွေလမ်းလျှောက်လာတော့..။
ပရမ်းပတာဖြတ်မောင်းသွားတဲ့
ထူးမခြားနားကိုတွေ့တယ်...
မျှော်လင့်ချက်တစ်ခုကိုပဲ လွတ်မြောက်ခွင့်
ပေးပါ...လို့
ငါတို့တောင်းဆိုထားတယ်...
ဇတ်ညွှန်းနဲ့ ဇာတ်ကွက်ကတလွဲ..
မနက်ဖြန်ဟာရက်စွဲမရှိဘူးတဲ့....
။


မိုးလှိုင်ည

(ပြိုင်တူလင်းတဲ့ကောင်းကင် ကဗျာစာအုပ်မှ)

မထူးတဲ့နှစ်ကူး

နှစ်ကူးတော့မယ်လား...
မထူးခြားတဲ့ဘ၀ကို သင်္ကြန်ရေနဲ့ဆေးလဲ...
အအေးပတ်မှာပဲ အဖတ်တင်တယ်...
အရည်မရအဖတ်မရ အော်ဟစ်ကခုန်နေလောက်အောင်
ငါတို့တွေ အမှန်တကယ် မပျော်ရွှင်ခဲ့ဘူး။

မိုးလှိုင်ည

အယ်ဒီတာမမ

မင်းမသိတာနဲ့ပဲ
အနန္တသူရိယက နာမည်မကြီးရတော့ဘူးလား
မင်းမသိတာနဲ့ပဲ
ဝန်ကြီးပဒေဿရာဇာကို
ဘယ်ဌာနကလဲ မမေးပါနဲ့
မင်းမသိတာနဲ့ပဲ
အချုပ်တန်းဆရာဖေကို
ကလောင်သစ်လားလို့ မမေးပါနဲ့
ဇော်ဂျီရဲ့ကဗျာတွေကို
ဆရာမတဂိုးလောက် မကြိုက်ဘူး
သိပ်မလေးနက်လို့ဆိုပဲ....
မင်းဒေါက်မြင့်ဖိနပ်ကြောင့်
ဖနောင့်သားတွေ နာနေပုံရတယ်
မျက်မှန်ကို ခဏခဏပင့်တင်မနေပါနဲ့
ပါးလွှာပြီးတောက်ပတဲ့ မင်းနှုတ်ခမ်းက
အသည်းအသန် နမ်းရှိုက်လိုက်ဖို့ပဲကောင်းတယ်
ရှင့်ကဗျာကို စင်တင်ကလောင်ထဲ ထည့်ပေးလိုက်မယ်...
အင်း...လုပ်ပါ
ဂလက်ဆီတစ်ခုလုံး အကျော်ကြားဆုံးကောင်ကို
ကမ္ဘာထဲကမင်းမသိတော့
ငါ ရည်းစားစကားပြောချင်စိတ်ကို
မနည်းထိမ်းပြီးပြန်လာခဲ့ရတယ်....။

မိုးလှိုင်ည

ဒုတိယနှစ်ပါတ်လည်

ဘ၀ကို ကဗျာဆန်ချင်လို့ ကဗျာရေးတာပါ..။

ဘာကြောင့်ကဗျာရေးလဲ ဆိုတဲ့မေးခွန်းနဲ့ကြုံလာရင် ကျွန်တော့်ရင်ထဲမှာ အဲဒီအဖြေတစ်ခုပဲ ရှင်းရှင်းလင်းလင်း ရှိတယ်။ အမှန်တကယ်တော့ ဘ၀က ကဗျာမဆန်ပါဘူး။ ဒါပေမယ့် ကဗျာဆန်တဲ့ဘ၀ကို ကျွန်တော်ရေးခြစ်မိခဲ့သလို ဘ၀ဆန်တဲ့ ကဗျာကိုလည်း ကျွန်တော်ယုံယုံကြည်ကြည် ရေးဖွဲ့နေမိပါတယ်။ ကိုယ်ရေးတဲ့ ကဗျာတစ်ပုဒ် ပုံနှိပ်စာလုံးအဖြစ် မြင်ရနိုင်ဖို့ အင်မတန်ခဲယဉ်းလွန်းတဲ့ မြို့မှာ ကျွန်တော်နေထိုင်ပါတယ်။ အဲဒီမြို့မှာ ကဗျာစာမျက်နှာတွေကို ကျော်ဖတ်တတ်တဲ့ လူတန်းစားတွေလည်းနေထိုင်ပါတယ်။ ဒါပေမယ့် ကဗျာဆရာတွေကတော့ အဲဒီမြို့မှာရှိနေတုန်းပါပဲ.. ကျွန်တော်အပါအ၀င် မထင်မရှား ကဗျာကိုချစ်ခင်ကြသူ လူနည်းစုက ကိုယ့်ဝမ်းစာကိုယ်ဖြစ်သလိုရှာစားပြီး ကဗျာရေးဖွဲ့ခြင်းအလုပ်ကို ဂရုတစိုက် အသေအချာ လုပ်ကိုင်နေကြတုန်းပါ။ ပုံနှိပ်စာလုံးအဖြစ်ဖော်ပြခံရဖို့ အခွင့်အလမ်းနည်းပါးတဲ့ ကျွန်တော်ရဲ့ ကဗျာစာတိုပေစလေးတွေကို ကိုယ်ပိုင်ဘလော့လေးတစ်ခု ဖန်တီးပြီး လွန်ခဲ့တဲ့ (၂)နှစ်ကျော်ကာလ စတင်သိမ်းဆည်းထားခဲ့ပါတယ်။

ဘလော့ဟာ မီဒီယာတစ်ခုလို့ မသိခင် ဒိုင်ယာယီစာအုပ်တွေ ခဏခဏပျောက်ရှတတ်တဲ့ ကျွန်တော်က အင်တာနက် စာမျက်နှာပေါ်မှာ ကိုယ့်ကဗျာလေးတွေ သိမ်းဆည်းထားခြင်းက အစပြုခဲ့တာပါ။ နောက်ပိုင်း ခင်မင်ရင်းနှီးတဲ့ သူငယ်ချင်းအချို့လာရောက်ဖတ်ရှုပြီး ကျွန်တော်လည်း ကဗျာရေးဖွဲ့ခဲ့မိသမျှနဲ့ ကိုယ်ကြိုက်နှစ်သက်တဲ့ ကဗျာလေးတွေကို သူငယ်ချင်းတွေကို မျှဝေချင်တဲ့ စေတနာနဲ့ တခြားကဗျာဆရာများရဲ့ ကောင်းနိုးရာရာ ကဗျာများကို တင်ခဲ့မိပါတယ်။ ချစ်ခင်လေးစားရတဲ့ ကဗျာဆရာကြီးတွေရဲ့ ပုံရိပ်တွေကိုလည်း ကျွန်တော့်ဘလော့မှာတင်ခဲ့ပါတယ်။ ဆရာသစ္စာနီမှ လွဲ၍ တခြားကဗျာဆရာကြီးများ သို့မဟုတ် မူပိုင်ခွင့်၊ ပိုင်ဆိုင်ခွင့်ရှိသူများထံမှာ ခွင့်ပြုချက်ရယူနိုင်ခဲ့ခြင်းမရှိသေးပါ။

ထို့အတွက်ကြောင့် သက်ဆိုင်သူများက ကဗျာများဓါတ်ပုံများ ဖြုတ်ချပေးပါဟု တောင်းဆိုလာပါက … ကျွန်တော့်ဘလော့ပေါ်မှ ဖြုတ်ချပေးပါမည်။ ခွင့်ပြုချက်ရယူ တောင်းခံခြင်းမပြုနိုင်ခဲ့တဲ့ ကျွန်တော်အပေါ်လည်း ခွင့်လွှတ် နားလည်းပေးစေလိုပါတယ်။

ပြီးတော့ ကျွန်တော့်ဘလော့လေးကို လာရောက်လည်ပါတ်ပြီး ကျွန်တော်ကဗျာတွေကို ဖတ်ရှုဝေဖန်ပေးကြတဲ့ ကမ္ဘာအရပ်ရပ်မှ သူငယ်ချင်းများကိုလည်း အထူးကျေးဇူးတင်ပါတယ်။ ကျွန်တော်ဘလော့လေးကို နည်းပညာ အကူအညီပေးတဲ့ သူငယ်ချင်းအစ်မကိုလည်း ကျေးဇူးအထူးတင်ပါတယ်။ တစ်ခါတစ်လေ ကျွန်တော် မအားတဲ့အခါတိုင်း ကျွန်တော့်ကဗျာတွေကို ကူရိုက်ပေးတဲ့ သူငယ်ချင်းတစ်ယောက်ကိုလည်း ကျေးဇူးတင်ပါတယ်။ ကျေးဇူးတင်ထိုက်သူ အလုံးအရင်းကို အမည်နှင့်တစ်ကွ ဖော်ပြရင် ကျွန်တော်ရေးခဲ့သမျှ စကားလုံးများထက် ပိုများနေနိုင်လို့ မိခင်ကမ္ဘာမြေကြီးပေါ်က ကျွန်တော်နဲ့ ထိစပ်သမျှ သက်ရှိသက်မဲ့၊ ဒြပ်ရှိဒြပ်မဲ့တို့ရဲ့ ကျေးဇူးတရား အလုံးစုံကို နှလုံးသားရဲ့ဖြောင့်ချက်ဖြစ်တဲ့ ကဗျာတချို့တလေနဲ့ ကျေးဇူးတုန့်ပြန်ရင်း နောင်နှစ်ပေါင်းများစွာ ပျင်းလို့ပဲဖြစ်ဖြစ်၊ ပျော်လို့ပဲဖြစ်ဖြစ်၊ အသည်းကွဲလို့ပဲဖြစ်ဖြစ်၊ အလုပ်ပြုတ်လို့ပဲဖြစ်ဖြစ်၊ www.moehlaingnya.blogspot.com ဆိုတဲ့နေရာလေးမှ ကဗျာလေးတွေ ရှိနေပါမယ်။ သူငယ်ချင်းများအားလုံးနဲ့ ခံစားချက်တွေ ထပ်တူညီဖို့ကြိုးစားရင်း…

အားလုံးကို ခင်မင်လေးစားစွာဖြင့်
မိုးလှိုင်ည